breaking khabar America se —”
Jahaan duniya ke sabse brilliant minds ek chhat ke neeche milti hain, woh sirf ek building nahi hoti... woh ek idea hoti hai.
Harvard University — ek naam nahi, ek legacy hai.
Yahin se nikla tha Facebook, Microsoft ke kuch codes, OpenAI ke seeds… aur bhi ek lambi list hai.
Har saal duniya ke kone kone se students Harvard ke campus ka sapna leke aate hain.
Lekin ab... un sapno pe Trump government ne brake laga diya hai.
Ab Harvard, naye videshi students ka admission nahi le paayega.
Aur haan, ismein humare Indian students bhi shaamil hain.
22 May ko, US Homeland Security Secretary Kristi Noem ne order diya:
"Harvard ka SEVP certification turant cancel karo."
Yeh wahi certification hota hai jo universities ko international students ka visa document issue karne ki permission deta hai.
[Wajah? Suno dhyan se —]
1️⃣ Harvard ke campus mein pro-Palestine protests mein Hamas support ke allegations.
2️⃣ University ki Diversity, Equity & Inclusion (DEI) policies pe bhi sawal — kaha gaya yeh policies Jewish students ke khilaaf ja rahi hain.
3️⃣ Harvard pe Chinese Communist Party se indirect coordination ka bhi ilzaam.
Trump camp ka kehna hai:
“Harvard mein antisemitism, violence aur China se coordination badh raha hai — yeh acceptable nahi.”
April 2025 mein Trump ne saari American universities ko bola:
“Campus mein Palestine protests bandh karo.”
Unhone kuch demands bhi bheji Harvard ko:
-
Foreign protesters ka record do
-
DEI programs bandh karo
-
Harvard mein different ideologies ko promote karo (Viewpoint diversity)
-
Professors ki hiring par transparency lao
-
Aur sab students ka admission data bhejo — nationality, caste, race, GPA, sab kuch.
Harvard ka Reaction -
Harvard ne bola – “No, hum yeh sab nahi karenge.”
Result? Funding cut kar di gayi.
Harvard ne court ka rukh kiya.
Kaha gaya:
“Yeh academic freedom ka violation hai. Sarkar education institutions pe political pressure daal rahi hai.”
Ab sawaal — jo students abhi Harvard mein hain unka kya?
-
6800 international students abhi bhi enrolled hain
-
788 Indian students, mostly graduation final semester mein
-
Jo graduate hone waale hain, wo graduate kar sakte hain
-
Baaki students ko transfer lena hoga kisi aur university mein — warna unka visa cancel ho sakta hai
Kya Admission permanently band hai? -
Not yet.
2 options hain:
-
Ya to American govt apna decision badle
-
Ya Harvard, 72 ghanto mein Trump ki sari demands maane
Demands –
-
Pichhle 5 saal ke sabhi foreign students ka illegal ya violent activity ka record
-
Threats to staff? Batao.
-
Protest ke audio-video footage? Submit karo.
-
Discipline records bhi.
-
Agar kuch bhi jhootha nikla — criminal case file ho sakta hai.
Harvard – jahan ideas ko azadi milti thi…
Ab wohi jagah political crackdown ka battlefield ban chuki hai.
Kya Trump sirf order enforce kar rahe hain?
Ya yeh ek naye culture war ki shuruaat hai?
Harvard News, trumo news,worldwide news, news, trump ne kya kaha, Harvard University, Harvard university admission ban