Uttar Pradesh ke Hardoi se ek dil ko hila dene wali sadak durghatna ki khabar saamne aayi hai. Atrauli thana kshetra ke Gaureekala Majra Baheria mein ek shaadi ke function se videography kar ke laut rahe teen yuvaon ko ek unknown vehicle ne takkar maar di, jismein teenon ki mauke par hi maut ho gayi.
Kya Hai Puri Ghatna?
Jaankari ke mutabik, teeno yuva –
-
Nitin (25), graam Misbhi, thana Ajgain
-
Vaibhav (24), graam Buddhikhera
-
Praveen (25), graam Dariyaikhera, Kotwali Unnao se the.
Teeno shaadi mein videography ke liye Hardoi aaye the. Subah ke kareeb 3 baje, jab ye log ek hi bike par wapas ghar ja rahe the, tab Atrauli chauraha ke paas Bhatpur ki taraf se aayi ek anjaani gaadi ne unki bike ko zordaar takkar maar di. Teeno ki maut turant ho gayi, jabki vehicle driver gaadi lekar spot se farar ho gaya.
Police Action aur Investigation:
Ghatna ki jaankari milte hi Atrauli police spot par pahunchi. Teeno laashon ko Sandiila post-mortem house bhej diya gaya hai. Police ne bataya ki mritak Nitin ke paas se ek tablet, 90 hazaar rupaye cash aur ek mobile phone mila hai.
Atrauli Kotwali Incharge Inspector Markandeya Singh ne bataya ki unknown vehicle ki talaash shuru kar di gayi hai. Parivar ke shikayat patra (tahrir) ke aadhar par FIR darj ki jaayegi. Investigation ko tez kar diya gaya hai.
Parivaar Ka Haal:
Jab ye khabar unke ghar pahunchi to ghaton ka ro-ro kar bura haal ho gaya. Har taraf shok ki lehar chhayi hui hai. Shaadi ke khushi ke beech itni badi durghatna ne sabko hila kar rakh diya hai.
Hardoi accident news 2025, Hardoi bike accident 23 May, UP road accident news, Unnao youths died in Hardoi, Wedding videographers killed Hardoi, Atrauli accident news, 3 killed in bike accident UP, Uttar Pradesh sadak durghatna, UP road safety 2025, Hardoi news today Hindi