India aur America ke beech chal rahi trade deal par Bharat ne ek strong aur hopeful stance liya hai. Finance Ministry ke May 2025 ke Monthly Economic Review mein yeh kaha gaya hai ki agar sab kuch sahi raha, toh aaj ke economic headwinds kal ke tailwinds ban sakte hain – yaani aaj ke challenges, kal ke growth engines ban sakte hain.
Kya bola Finance Ministry ne?
Report mein yeh highlight kiya gaya ki agar India aur US ke beech ek bilateral trade agreement successful hota hai, toh Indian exporters ke liye naye markets khul sakte hain. Is deal se Bharat ki exports boost ho sakti hain, especially un sectors mein jo abhi tak limited access ki wajah se struggle kar rahe hain.
Deal ka goal kya hai?
Negotiations chal rahe hain jiska pehla phase 2025 ke end tak finalize hone ki umeed hai. Target yeh hai ki 2030 tak dono deshon ka trade volume $500 billion tak pahunch jaye.
India ne kuch important products par tariff kam karne ka proposal diya hai, lekin agricultural sector jaise sensitive areas ko protect karne ki baat bhi ki hai. Dusri taraf, Bharat ne US se yeh demand ki hai ki textiles, gems aur leather jaise labor-intensive Indian exports par import duty kam ki jaye.
US ki demand kya hai?
America ek macro-level trade deal chahta hai – yaani har sector ko include karne wali agreement. Unka focus yeh hai ki deal sirf product-by-product na ho, balki poore ecosystem ko cover kare, jisme agriculture bhi shamil ho.
Yeh approach Bharat ke liye tricky ho sakta hai, kyunki hamara agriculture sector bahut logon ka livelihood banaye hua hai.
Commerce Minister ki baat:
Commerce Minister Piyush Goyal ne exporters ko bola hai ki woh FTAs ka fayda uthayein aur non-tariff barriers ko samjhe aur door karne ki koshish karein. Unka kehna hai ki global trade footprint badhane ka yeh ek perfect time hai.
Technology aur Trade dono focus mein:
Foreign Secretary Vikram Misri ne US ke Under Secretary Jeffrey Kessler se bhi mulaqat ki jahan dono desh trade ke saath critical aur emerging technologies mein cooperation badhane par agree hue.
Conclusion:
Toh doston, jitne bhi challenges hain, unko dekhte hue bhi India optimistic hai. Yeh trade deal sirf economic faayda nahi laayegi, balki Bharat-America ke rishte aur strong banengi. Agar sab kuch sahi raha, toh yeh headwinds, kal ke liye tailwinds ban sakte hain yaani progress ki hawa chal sakti hai.
India US trade deal, India US relations, India export growth, Finance Ministry trade report, bilateral trade agreement, Piyush Goyal FTAs, India agriculture trade, US India tariff, India economic growth, Vikram Misri trade talks